Richards Bay FC yi fanela ku antswisa matirhelo eka nguva leyi

Richards Bay FC yi fanela ku antswisa matirhelo eka nguva leyi.

Richards Bay FC yi tshama yi rhulile hambi leswi yi nga lahlekeriwa ka nharhu hi ku landzelelana eka Betway Premiership.

Va hluriwile hi 1-0 hi Kaizer Chiefs erivaleni ra mintlangu ra FNB.

Laha ku nga nghenisiwa goli ntsena hi Gaston Sirino eka hafu ya vumbirhi.

Muzaberi-kulobye Ronnie Gabriel wa pfumela leswaku ku sungula ka nguva a ku nga ri kahle.

Kambe u tshemba leswaku ka ha ri nkarhi ku lulamisa swihoxo.

Gabriel u kombisile leswaku hambi leswi va nga tirhangiki kahle eka ntlangu wa sweswinyana.

Xipano xi vile na minkarhi ya kahle yo nghenisa swikoweto, ku nghena ko hetelela ka vunharhu, na ku khoma.

U xiyile leswaku eka mintlangu yimbirhi yo sungula, Richards Bay entiyisweni yi lawule valala va yona hambi leswi yi hluriweke

Yi kombisa matirhelo lama tshembisaka handle ko kuma mbuyelo.

U na ku tshemba leswaku xipano lexi, lexi katsaka vantshwa vo tala lava hlanganisiweke ku kuma ntokoto wa PSL.

Xi ta antswisa loko nguva yi ri karhi yi ya emahlweni.

Malunghana na swikongomelo swa xipano eka nguva leyi.

Gabriel u vule leswaku a ku na xileriso xo karhi handle ko antswisa xiyimo xa vona xa ligi ku suka eka nguva leyi hundzeke.

U kandziyisile leswaku xikongomelo i ku aka eka ku humelela ka lembe leri nga hundza handle ko veka swikongomelo swo tika eka xiyimo lexi.

Source: SABC Sports