Arendse a hlamula mahungu yaku xavisiwa ka SuperSport United

Muzaberi wa nkarhinyana wa xipano xa SuperSport United, Andre Arendse u langutane na mahungu lawa ya rhendzelekaka.

Naswona u hatlise a hlamula mayelana na ku xavisiwa loku nga kotekaka ka xipano lexi.

Hambileswi swiviko swi ringanyetaka leswaku nhlangano lowu simekiweke eBloemfontein wu nga hava wu ri ekusuhi no xava xipano lexi.

Arendse u vule leswaku a nga swi tivi nikatsongo hi swiendlakalo swo tano.

Arendse u kandziyisile leswaku timhaka tale boardroom ti le handle ka matimba ya yena naswona anga ngheneleli eka timhaka teto.

“Swilo sweswo swi huma emavokweni ya mina hi ku helela,” ku vula yena.

U pfumerile leswaku mahungu lawa ya khumbe vatlangi hakunene, leswi vangeke leswaku vumundzuku bya vona byi tsekatseka.

Ntirho wa yena a ku ri ku hunguta ntshikilelo wolowo ni ku endla leswaku xipano xi tshama xi ti lunghiserini.

SuperSport United yi tiyisisile ximfumo xiyimo xa yona eka Betway Premiership endzhaku ka ku tlanga hi 1-1 na xipano xa Golden Arrows.

Xiyimo xo tika lexi ku vikiwaka leswaku xi fambelana na ku xavisiwa kwihi na kwihi loku nga vaka kona ka xipano.

Hambi leswi nguva yo tika leyi nga endla leswaku muzaberi-nkulu, Gavin Hunt a hlongoriwa.

Arendse u bumabumerile xipano lexi hikwalaho ka ku tiyisela ka xona na ku tiyimisela ka xona ku papalata ku hunguteka.

U papalate ku ringanyeta hi nkongomiso wa nkarhi wo leha wa xipano.

Kumbe switandzhaku swa ku cinca ka vun’wini loku nga ha vaka kona.

Ku pona ka xipano eka xiyimo xa le henhla swi tiyisisiwile endzhaku ka loko xi tlhele xi sungula ku tlanga na Golden Arrows.

Ku vikiwe mimbulavurisano leyi yaka emahlweni kambe ya xihundla mayelana na ku xavisiwa.

• Hlaya nakambe:Mukaputeni wa Banyana Banyana a vuyela eku tlangeni

Leswi titshegeke hi leswaku xipano xi hlayisa xiyimo xa xona xa Premiership.

• Landzela pheji eka Facebook:  https://www.facebook.com/profile.php?id=61576814159247

Source: SABC Sports