Benedict “Tso” Vilakazi a basisa swidyoho swa Fiacre Ntwari
Benedict “Tso” Vilakazi a basisa swidyoho swa Fiacre Ntwari
Murindzi wa bolo wa xipano xa Kaizer Chiefs Fiacre Ntwari u tikume a ri exikarhi ka mpfilumpfilu wa ku cinciwa.
Hi nkarhi wa ntlangu wa mahelo ya vhiki lama hundzeke na Stellenbosch FC.
Kambe nhenha wa bolo ya milenge wa laha kaya Benedict “Tso” Vilakazi u basisile murindzi eka swidyoho swihi na swihi.
Vazaberi va Chiefs va ringetile ku siva Ntwari emahlweni nyana ka tipenalty, kambe ku vikiwa leswaku murindzi u arile ku huma.
Mpfilumpfilu lowu wu endle leswaku mukaputeni Zitha Kwinika na Sibongiseni Mthethwa va hatlisa va nghenelela leswaku va ta rhurisa xiyimo.
Kambe Vilakazi u hlamusela leswaku Ntwari a a tiva milawu ya ku cinciwa ku antswa ku tlula vazaberi.
“Vazaberi va ehlekete leswaku va ha ri na ku cinca kun’we loku saleke eka nkarhi wo engetela naswona va lava ku endla ku cinca kambirhi”.
“Kambe va honise nawu wa leswaku ntsengo wa ku cinca ka ntlhanu wu tirha ntsena hi nkarhi wa ntolovelo, ku nga ri hi nkarhi wo engetela,” ku vula Vilakazi.
U engeterile, “Ntwari anga alanga ku huma, xipano xa vuthekiniki a xi nga wu twisisi kahle nawu”.
“Leswi xi nga endla ku cinca kanharhu hi nkarhi wa ntolovelo”.
“Xi lahlekeriwe hi nkarhi wo endla swin’wana swimbirhi eka nkarhi wo engetela”.
“Ku pfumeleriwa ku cinca kan’we ntsena eka nkarhi wo engetela.”
Vilakazi u gimete hi ku vula leswaku i vazaberi, ku nga ri Ntwari, lava nga na nandzu wo lawula milawu yo cinca.
Hlaya nakambe:Benedict “Tso” Vilakazi a bumabumela mintirho ya Sipho Chaine
Xiendlakalo lexi xi kombisa nkoka wo twisisa milawu ya mintlangu hi ku hetiseka.
Ngopfu-ngopfu hi minkarhi ya nkoka yo fana na hi nkarhi wo engeteriwa.
Source:http://Farpost
