Bradley Grobler a hlawuriwa tani hi Man of the Match

Bradley Grobler a hlawuriwa tani hi Man of the Match

Muhlaseri wa xipano xa Sekhukhune United Bradley Grobler u kombisile ku hlamala.

Endzhaku ka loko a hlawuriwile tani hi Man of the Match (MOM).

Eka ku hluriwa ka vona eka Carling Knockout Cup eka round yo sungula hi xipano xa Golden Arrows hi Mugqivela.

Hambi leswi a nga nghenisa goli yin’we ya Sekhukhune ku nga si hela nkarhi.

Grobler u vone onge a nga faneriwi hi sagwadi, a pfumela leswaku a ta va a tirhile ku antswa.

Mutlangi loyi wa malembe ya 37 hi vukhale u vile eka xiyimo xa kahle.

Eka nguva leyi hi ku nghenisa magoza ya nkaye eka mintlangu ya 13 eka mphikizano hinkwawo.

Ku katsa na magoza mambirhi loko va hlangana na Kaizer Chiefs eka Betway Premiership, kambe Golden Arrows yi vuyile hi matimba.

Eka hafu ya vumbirhi yi hlula hi 3-1 eXitediyamu xa King Goodwill Zwelithini, yi humesa Sekhukhune eka mphikizano.

Grobler u hlamusele hafu yo sungula tani hi leyi tiyeke kambe u sola ku hunguteka ka matimba ya xipano xa yena endzhaku ka nkarhi wo wisa.

U te, “Hi na ntsena ku sola, hafu yo sungula a ku ri ya hina, kambe hafu ya vumbirhi a yi ri kule na leswi a hi fanele ku va hi swi endla.”

U tlhele a langutana ni njhekanjhekisano lowu a wu ri kona malunghana ni goli yakwe, leyi a yi vonaka yi kongomisiwe eka nete hi voko rakwe.

Grobler u vule leswaku u ta pfuxeta mhangu leyi.

Naswona u pfumerile leswaku swa tika ku vula kahle leswaku bolo yi n’wi vavise njhani hi nkarhi wa ntlangu.

Hambi leswi va hluriweke, Grobler u teke sagwadi ra R100,000 ra MOM.

Leri a ri nyikiwa hi ku ya hi tivhoti ta vaseketeri ku fikela eka minete ya vu70 ya ntlangu.