Broos a paluxa leswi lavekaka eka ku endla xipano xa Bafana Bafana

Broos a paluxa leswi lavekaka eka ku endla xipano xa Bafana Bafana

Muzaberi wa Bafana Bafana Hugo Broos u vulavule hi timfanelo ta nkoka leti a ti langutaka loko a hlawula vatlangi eka xipano xa rixaka.

Emahlweni ka ntlangu wa xinghana na Zambia hi Mugqivela, Broos u avelane leswaku khwalithi i ya nkoka swinene eka yena.

“Loko u nga ri na khwalithi kutani a wu nga ta swikota ku ta eka Bafana Bafana,” ku vula yena.

Broos u tlhele a kandziyisa nkoka wa miehleketo, a hlamusela leswaku vatlangi va fanele ku kombisa ku tiyisela erivaleni.

“Loko a hlongoriwa ehansi, xana u teka timinete ta ntlhanu a nga si tlhela a famba?Kutani yoloye a hi mutlangi loyi hi n’wi lavaka.”

Chemistry ya xipani nayona i ya nkoka. Broos u tsundzuxile leswaku mutlangi un’we loyi a nga na langutelo ro biha a nga kavanyeta ntlawa hinkwawo.

Leswi ku nga sala mavhiki nyana eka Khapu ya Matiko ya Afrika eMorocco.

Broos u tiyisisile leswaku se u na kwalomu ka 80% wa xipano xa yena xo hetelela.

Kambe u tshama a pfulekile eka titalenta letintshwa leti hlamarisaka eka mavhiki lama taka.

Hlaya nakambe:Nyeleti ya le Cameroon Ngamaleu yi va eka mpfilumpfilu wa swa marhandzu

Bafana Bafana yi ta langutana na tiko ra Zambia erivaleni ra mintlangu ra Nelson Mandela Bay.

Source:http://Farpost