Cedric Kaze a seketela Manqoba eka mhaka yo lava VAR
Cedric Kaze a seketela Manqoba eka mhaka yo lava VAR
Kaizer Chiefs yi hlule Golden Arrows hi 1-0 eka ntlangu wa Betway Premiership hi Ravumbirhi eFNB Stadium.
Goli yo hlula yi huma eka mutlangi Aden McCarthy. Kambe a ku ri offside, vatirhela-mfumo a va swi vonanga.
Muzaberi wa Golden Arrows Manqoba Mngqithi u hlundzukile swinene. U vule leswaku Premier Soccer League yi lava thekinoloji ya VAR.
VAR yi pfuna va-referee ku kambela swiboho leswikulu hi video.
“Ntlangu wu hatlisa ngopfu eka vatirhela-mfumo,” ku vula Mngqithi naswona u ri u lava VAR sweswi.
Muzaberi- kulobye wa Chiefs Cedric Kaze u pfumerile.
Hambi leswi xipano xa yena xi nga hlula, u vule leswaku VAR yi kahle eka bolo ya milenge ya Afrika-Dzonga.
“Swi ta pfuna va-referee ku endla leswaku ligi yi antswa,” ku vula Kaze. “Ndzi seketela mutirhi kulorhi. Ndzi yi rindzele VAR”
Swikombelo swa VAR eka PSL swi ya swi tlakuka swinene.
Hlaya nakambe:Mutlangi wa ndhuma a vuyela eka bolo ya milenge hi matimba
Holobye wa swa mintlangu Gayton McKenzie u tshembisile ku swi tisa hi ku hatlisa.
Source:http://Farpost
