Chippa United yi hehla Philangenkosi Khumalo ximfumo

Chippa United yi hehla Philangenkosi Khumalo ximfumo

Chippa United yi hehle ximfumo muchayi wa pempe Philangenkosi Khumalo hi ku ku lulamisa mintlangu.

Endzhaku ka loko va tlange hi ku ringana hi 1-1 na varhangeri va ligi ku nga xipano xa Sekhukhune United.

Xipano lexi xi nghenise xivilelo eka Premier Soccer League (PSL).

Xi kombela vulavisisi bya xihatla eka vufambisi bya Khumalo hi nkarhi wa ntlangu lowu a wu khomeriwe ePolokwane hi Ravunharhu.

Chippa United yi pfumerile tipenalty timbirhi eka timinete ta vu khume-ntlhanu to hetelela, leti ha timbirhi ti nyikiweke hi Khumalo.

Muhlaseri wa khale Bradley Grobler u nghenise penalty yo sungula.

Leyi nga pfuxa njhekanjhekisano lowukulu eka swihangalasa-mahungu swa le ka social media mayelana na ku lulama ka yona.

Mukhomi wa bolo Chippa Stanley Nwabali u ponise penalty ya vumbirhi, endzhaku ko kambisisa ntlangu, Chippa United yi kumile leswi va tshembaka.

Leswaku i xivumbeko xa swiboho leswi nga na xihlawuhlawu leswi tsakelaka Sekhukhune eka hafu ya vumbirhi.

Papila ra ximfumo ra xipano lexi eka PSL ri kombela leswaku ku endliwa vulavisisi lebyi heleleke.

Eka ku nga ha va na vukungundzwana kumbe ku lulamisiwa ka mintlangu.

Va tlhela va ehleketa ku katsa vukorhokeri bya maphorisa ya laha Afrika-Dzonga (SAPS) loko swi laveka.

Chippa United sweswi yi yimele nhlamulo ku suka eka vurhangeri bya vulawuri bya PSL eka ndlela yo ya emahlweni na vulavisisi.