Farouk Kadodia a tiyisisa ku huma ka Ernst Middendorp ximfumo

Farouk Kadodia a tiyisisa ku huma ka Ernst Middendorp ximfumo

Mufambisi wa swa xithekiniki wa xipano xa Durban City Ernst Middendorp u tshikile xipano endzhaku ka tinhweti tinharhu ntsena a joyinile.

Mutshama-xitulu wa xipano Farouk Kadodia u tiyisisile mhaka leyi.

Middendorp, loyi a nga fika a huma eka Cape Town Spurs eku sunguleni ka nguva hi kontiraka leyi ku vikiwaka leswaku i ya nkarhi wo koma.

U nyikiwile ntirho wo pfuna xipano lexintshwa lexi tlakusiweke ku tolovela eka pfhumba ra Betway Premiership.

Kadodia u kandziyisile leswaku a kuna kuwa na muzaberi-nkulu Gavin Hunt hambi leswi ku nga na swiviko swa ku hambana. “

“A swi hetisisiwile— a ri na kontraka ya tinhweti tinharhu naswona u hetisisile xileriso hi 100%,” Kadodia u byele iDiski Times.

Mutshamaxitulu u tlhele a vula leswaku a ku nge tsutsumeriwi ku thola mukongomisi lontshwa wa swa xithekiniki.

A ku, “Sweswi, hi fanele ku vona leswaku hi ya emahlweni njhani ku suka laha a nga yima kona.”

Durban City yi sungurile pfhumba ra yona ra xiyimo xa le henhla hi matimba.

Yi hlengeletile 15 wa tinhla eka mintlangu ya nkaye naswona yi tshamile eka xiyimo xa vumune eka tafula ra ligi.