Fiacri Ntwari a ala ku cinciwa hi nkarhi wa ntlangu

Fiacri Ntwari a ala ku cinciwa hi nkarhi wa ntlangu

Murindzi wa xipano xa Kaizer Chiefs Fiacri Ntwari u tikume a ri exikarhi ka njhekanjhekisano.

Endzhaku ko ala ku cinciwa hi nkarhi wa Khapu ya Carling Knockout na Stellenbosch FC.

Murindzi wa le Rwanda u arile ku huma loko ntlangu wu nga si hela.

Hambi leswi a ku ri na pulani ya leswaku uta pfuneta hi Bruce Bvuma eka xiyimo xa tipenalty.

Muzaberi wa Chiefs Cedric Kaze u tiyisisile leswaku ku cinca loku ku twananisiwile hi nkarhi wa ndzetelo, laha Bvuma a tiyimiseleke ku khoma tipenalty.

Hambiswiritano, Ntwari u sindzisile a ala ari erivaleni ra mintlangu, laha a nga va ponisa eka penalty yo sungula.

Ku vulavula ku yile mahlweni leswaku swiendlo swa Ntwari swi kombisa timhaka to anama endzeni ka xipano.

Laha ku vikiwaka leswaku vatlangi votala va pfumala xichavo eka vazaberi va nkarhinyana va sweswi.

Muzaberi-nkulu Nasreddine Nabi u yimisiwile, laha Cedric Kaze na Khalil Ben Youssef va nga rhangela xipano swa xinkarhana.

Kaze eku sunguleni u tekele ehansi xiyimo lexi kambe endzhaku u pfumerile ku tika ka xona, a vula leswaku.

“Ndzi pfumela eka swiyimo swa muxaka wolowo, i nchumu lowu hi nga ta wu khoma endzeni.

”U engeterile leswaku Ntwari a titshemba eka xiboho xa yena”.

Naswona u endle hi swikongomelo leswinene, hambi leswi matirhelo ya yena a ya nga ri eka xiyimo xa le henhla.

Vaseketeri va kombele leswaku kontiraka ya Ntwari yi herisiwa, ntlangu lowu wu funghe ku humelela ka yena ko sungula ximfumo eka Chiefs endzhaku ka kwalomu ka lembe.

Hambi leswi a ti lerisa kahle hi nkarhi wa ntlangu na ku ponisa xipano, ku ala ka yena ku siviwa swi funengete matirhelo ya yena.

Hlaya nakambe:Miguel Cardoso u langutele mbuyelo wo antswa eka xipano xa yena

Kaizer Chiefs yi languteriwa ku lulamisa mhaka leyi loko yi ri karhi yi tilulamisela mintlangu leyi taka.

Source:http://Farpost