Glody Lilepo a lahlekeriwa hi penalty loko va hlangana na AmaZulu

Mupfuneti wa muzaberi wa xipano xa Kaizer Chiefs Khalil Ben Youssef u hlamurile eka minkarhi ya nkoka leyi nga hundza.

Eka ntlangu wa xipano lexi nga tlanga hi 1-1 loko xi hlangana na AmaZulu FC erivaleni ra mintlangu ra FNB hi Ravunharhu.

U vulavule hi xihoxo xa Khanyisa Mayo na penalty leyi nga tsandekisa hi Glody Lilepo.

A tshikelela leswaku Chiefs yi tumbuluxe minkarhi yo tala kambe yi pfumala ku kongomisa ku tiyisisa ku hlula.

AmaZulu yi rhangele hi minete ya vu 21 hi ku tirhisa Thandolwenkosi Ngwenya.

Kambe mutlangi wa le xikarhi wa Chiefs Mduduzi Shabalala u ringanise endzhaku ka timinete ta khume-n’we.

Ntlangu lowu wu vonile Glody Lilepo a tsandzeka ku hundzula penalty, leyi ponisiweke hi murindzi wa AmaZulu Darren Johnson.

Emahlweninyana ka hafu ya nkarhi, ku nghenelela ka Mayo ku endle leswaku ku va na offside leyi nga alela Chiefs ku nghenisa goli.

Ben Youssef u te, “Eka timinete ta vu 30 yo sungula, hi tumbuluxile kwalomu ka mune wa minkarhi wo nghenisa swikoweto”.

“Hi amukerile goli hikwalaho ka ku lahlekeriwa hi ku kongomisa. Bolo ya milenge yi vulavula hi vuxokoxoko lebyintsongo”.

“Ku pfumala penalty swa tika emiehleketweni, kambe hi tshama hi ri karhi hi lwa.”

U tlhele a sirhelela Lilepo na Gaston Sirino, lava sweswinyana va nga lahlekeriwa eka tipenalty na vona.

A kombisa leswaku tipenalty ti na kwalomu ka 50 wa tiphesente ta ku humelela naswona u bumabumerile varindzi va tigoli eka ku ponisa ka vona.

Hambi leswi ku ngana draw leyi nga tsakisiki, Ben Youssef u kombisile ku tshemba eka matirhelo ya xipano.

Naswona u tshemba leswaku ku hlula ku ta ta hi ku famba ka nkarhi.

Chiefs a yi kombisile ku humelela ka sweswinyana ku suka eka ndhawu ya penalty eka Khapu ya CAF Confederation.

Kambe sweswi yi hundze hi le ka tipenalty eka mintlangu ya ligi leyi landzelelanaka, leswi nga va endla va lahlekeriweke hi tinhla ta nkoka.