Hugo Broos a hundzisela Sipho Mbule hungu ra matimba

Hugo Broos a hundzisela Sipho Mbule hungu ra matimba

Muzaberi wa Bafana Bafana Hugo Broos u paluxe hungu ra matimba leri a ri hundziseleke mutlangi wa le xikarhi Sipho Mbule.

Endzhaku ka ku humelela ka Afrika-Dzonga loko yi ta ringanela eka Khapu ya Misava ya 2026.

Mbule, loyi a nga vitaniwa endzhaku ka nkarhi hikwalaho ka ku vaviseka ka Patrick Maswanganyi.

U teke nkarhi wa yena hi matimba yo hlamarisa na ku tiyimisela.

Broos, xikan’we na mupfuni Helman Mkhalele, va teke xiboho xo nyika Mbule nkarhi wa vumbirhi.

“Ndzi n’wi byerile, ‘Lowu i i nkarhi wa wena wa vumbirhi — naswona endzhaku ka leswi, wu herile”.

“Loko u nga wu khomi hi mavoko hamambirhi, u herile. A wu nge vi na Bafana ntsena loko ndzi ha ri muzaberu,'” ku vula Broos.

Loko a vutisiwile loko a lava ku va xiphemu xa Khapu ya Matiko ya Afrika na Khapu ya Misava, Mbule u tiyisisile.

Broos u hlamurile, “Ndzi n’wi byerile leswaku a ndzi komba leswaku u swi lava ku fikela kwihi”.

“A ndzi si tshama ndzi kanakana talenta ya yena ya bolo ya milenge, kambe sweswi wa lwa na ku tsutsuma. Hi yena Sipho Mbule loyi hi n’wi lavaka.”

Broos u gimete hi ku nwi bumabumela: “Ndzi n’wi byerile endzhaku ka ntlangu, ‘U khome nkarhi wa wena. Ndza ku hoyozela.’”

Ku tiyimisela ka Mbule ku nga tikomba ku ri ka nkoka loko Afrika-Dzonga ri ri karhi ri tilulamisela pfhumba ra rona ra Khapu ya Misava.