Hugo Broos a tshemba vuenti bya xipano xa Bafana Bafana

Hugo Broos a tshemba vuenti bya xipano xa Bafana Bafana

Muzaberi-nkulu wa Bafana Bafana Hugo Broos u na nsusumeto lowukulu.

Eka ntlangu wa nkoka wa ku ringanela Khapu ya Misava ya FIFA ya 2026 na Lesotho hi ti 05 ta Ndzhati 2025.

Ku hlula eka ntlangu lowu swi ta veka Afrika-Dzonga hi tinhla ta nhungu emahlweni ka ntlawa wa C.

Leswi nga ta tiyisisa swinene minkarhi ya vona yo ringanela Khapu ya Misava.

Hambi leswi va vavisekeke vatlangi va nkoka va le xikarhi lava nga na vutshila byo tumbuluxa Themba Zwane na Patrick Maswanganyi.

Broos u titshemba hi vuenti na nsusumeto wa xipano, a vula leswaku vatlangi va yena va nyika 100 wa tiphesente eka ndzetelo.

Afrika-Dzonga se yi hlule eka mintlangu ya yona yinharhu yo hetelela yo ringanela, ku katsa na ku hlula ka sweswinyana eka Lesotho.

Naswona yi rhangela ntlawa hi 13 wa tinhla, kasi lava va phikizanaka na vona va le kusuhi va na 8 wa tinhla.

Xiyimo lexi xa kahle xi vula leswaku xipano xi lava ntsena tinhla tin’wana ta ntsevu.

Eka mintlangu yimbirhi leyi landzelaka ku tiyisisa ndhawu ya xona ya Khapu ya Misava.

Broos u kandziyisile nkoka wo lwa kusukela eka minete yosungula.

Naku hlayisa nyingiso eka Lesotho, loyi a amukelaka tani hi muxanisi wo tika.

Xipano lexi xi boheke ku langutana na ku vaviseka kambe xi tisile lava nga na vuswikoti byo siva.

Ku fana na Sipho Mbule na Thabo Moloisane, lava nga hlanganisiwa na xipano.

Lesotho, hambi leswi yi tekiwaka tani hi tiko leri nga ehansi.

Yi tshama yi ri muphikizani loyi a nga na ntlhontlho eka mintlangu yo ringanela Khapu ya Misava.

Naswona swipano leswimbirhi swa swi tiva leswaku ku na swiave swa le henhla leswi katsekaka eka ntlangu lowu.

Broos u tiyimiserile ku hlayisa xiyimo xo tiya xa Afrika-Dzonga no tirhisa nkarhi lowu ku tshikelela swipano swin’wana eka ntlawa.