Jose Riveiro a bumabumela ku hundziseriwa ka Mohau Nkota
Jose Riveiro a bumabumela ku hundziseriwa ka Mohau Nkota
Khale ka muzaberi wa Orlando Pirates Jose Riveiro u bumabumerile ku hundziseriwa ka Mohau Nkota sweswinyana eka xipano xa Saudi Arabia.
A swi hlamusela tani hi goza lerinene eka mutlangi loyi na South African Premier Soccer League (PSL).
Loko a vulavula eka nongonoko wa Metro FM wa Sports Nights Amplified.
Riveiro u vule leswaku ku rhurha ka Nkota ku languteriwile loko ku langutiwa swivandlanene leswi vuyerisaka eka bolo ya milenge ya Saudi.
“A swi hlamarisi ngopfu. Swi kahle eka yena naswona swi kahle eka ligi,” ku vula Riveiro.
U kombisile leswaku ku hundziseriwa koloko ku nga pfulela ndlela eka titalenta to tala.
Ta vantshwa va Afrika-Dzonga ku joyina ligi ya Saudi, leyi tivekaka hi miholo ya le henhla.
Hambi leswi Nkota a nga tlanga ntsena eka PSL ku ringana tinhweti ta ntsevu kumbe nkombo.
Endzhaku ko tlakusiwa eka xipano xo sungula xa Orlando Pirates hi Riveiro, muzaberi u amukerile nhluvukiso lowu.
“Swi tshama swi ri na njhekanjhekisano ku lahlekeriwa hi titalenta laha kaya”.
“Kambe swi tlhela swi tumbuluxa ndhawu eka vatlangi lavantshwa lava taka hi kona.”
Riveiro u tlhele a langutana na ku vulavula hi Relebohile Mofokeng loyi a ku ri yena wo sungula ku rhurhela ematikweni ya le handle.
A xiya ku nga languteriwi ka bolo ya milenge na nkarhi lowu lavekaka leswaku ku hundziseriwa ku humelela hi ndlela leyinene.
Ku hundziseriwa ka Nkota swi kombisa ku xiximiwa loku kulaka ka titalenta ta Afrika-Dzonga eka switeji swa matiko ya misava.
Hlaya nakambe:Caf yi hakela Pirates eka Mpfilumpfilu wa Champions League
Naswona swi nga ha hlohlotela vatlangi van’wana lavatsongo ku landzelela xikombiso.
