Khama Billiat a hehliwa hi swikweleti

Khama Billiat a hehliwa hi swikweleti

Khama Billiat, khale ka nhenha ya xipano xa Mamelodi Sundowns na Kaizer Chiefs.

U langutane na ku kamberiwa endzhaku ka loko Standard Bank yi hehle.

Leswaku u tsandzeka ku endla ntwanano wa timali eka movha wa Range Rover lowu durhaka ku ringana R3.5 million.

Hi lembe ra 2019, ku vikiwa leswaku Billiat u sayinile ntwanano wa xikweleti na Standard Bank.

A tinyiketela ku hakela R37,000 n’hweti na n’hweti ku ringana tin’hweti ta 71.

Bangi yi hlayise vun’wini bya movha ku kondza mali hinkwayo yi hakeriwa.

Standard Bank yi lava ku vuyiseriwa Range Rover, yi tiyisisa leswaku Billiat u tsandzeka ku hakela naswona a nga kumeki.

Mahungu ya mhaka leyi ya humele ehandle hiti 08 ta Khotavuxika 2025.

Ya pfuxe njhekanjhekisano eka vatirhisi va social media, laha vo tala va nga kanakana swiboho swa Billiat swa timali.

Van’wana va sole ku boxiwa ka xipano xa Kaizer Chiefs eka swiviko leswi.

Ku fikela sweswi, Billiat a nga si vulavula nchumu hi swihehlo leswi.

Ku vuriwa leswaku Standard Bank yi ta teka magoza ya nawu ku vuyisa movha lowu.

Va tlhela va vikiwa leswaku Billiat u na xikweleti xa bangi xa kwalomu ka R400,000.

Billiat u hehliwa leswaku, u tshikile ku hakela xikweleti lexi hi 2023.

Laha swiphemu swa n’hweti na n’hweti swi languteriweke ku va exikarhi ka R80,000 na R90,000.

Bangi yi langutane na swiphiqo swo tsalela Billiat matsalwa ya nawu hikuva u rhurhele eZimbabwe.

Nkarhi lowu nga hundza, Billiat u yisiwile ehubyeni hi mukoloti.

Hikwalaho ko ka a nga fambisangi kahle ntwanano wa yena wo hakela yindloku.

• Hlaya nakambe:Teko Modise a navelela Relebohile Mofokeng leswinene 

Leswi swi endle leswaku nhundzu ya yena ya le Midrand yi vekiwa eka auction ku vuyisa xikweleti xa R1.7 million.

• Landzela pheji eka Facebook: https://www.facebook.com/profile.php?id=61576814159247

Source: IDiski Times