Mamello u vula leswaku va ta sungula ku tilunghisela
Mutlangi wa le xikarhi wa TS Galaxy Queens Mamello Makhabane, u vula leswaku va ta teka tidyondzo.
Endzhaku ko hluriwa ka vona ro sungula eka pfhumba ra 2025 ra Hollywoodbets Super League.
Rockets yi yile ehansi hi 2-0 eka JVW FC eka ntlangu wa yona wa vumune wa nguva exitediyamu xa UJ eSoweto hi Sonto nimadyambu.
Loko a vulavula na SABC Sport, Makhabane u tshemba leswaku ku nga namarheli eka pulani ya vona ya ntlangu swi tile hi ntsengo wo lwisana na miphikizano ya le henhla.
“Ku lahlekeriwa ka tolo a swi khomisa tingana, kambe hi hluriwile loko hi hlangana na xin’wana xa swipano leswinene eka ligi”.
“Naswona ndzi ehleketa leswaku va tile na pulani eka hina, leswi ndzi ehleketaka leswaku swi va pfunile hakunene,” ku vula Makhabane.
“Ndzi ehleketa leswaku va hetile makungu ya vona kahle swinene, hikokwalaho va swi kotile ku famba na tinhla tinharhu, naswona a ku ri ntlangu wo tika swinene, ku vula ntiyiso.”
“Hi ringetile hi matimba ya hina kambe ndzi ehleketa leswaku eka tlhelo ra hina a hi endlanga kahle makungu ya hina”.
TS Galaxy yi sungurile nguva hi xiyimo xa le henhla hi ku hlula kambirhi na ku ringana, kambe Makhabane u pfumerile leswaku ku nga cinci i xilotlelo xo hlayisa rhekhodo ya kahle.
U kandziyisile leswaku nguva leyintshwa yi kombela leswaku xipano xi tshama xi kongomisiwile no hlengeleta tinhla to tala hilaha swi nga kotekaka hakona.
Source -SABC Sports
