Mamelodi Sundowns yi hlula Uslan Hyundai hi 1-0

Mamelodi Sundowns yi hlula Uslan Hyundai hi 1-0

Xipano xa Mamelodi Sundowns xi pfula pfhumba ra xona ra khapu ya misava ya swipano swa FIFA ya 2025.

Hi ku hlula hi 1-0 eka tinhenha ta le Dzongeni wa Korea, xipano xa Ulsan Hyundai erivaleni ra mintlangu ra Inter&Co eOrlando, Florida.

Ntlangu lowu ku phikizaniwile swinene, laha Sundowns yi tumbuluxeke minkarhi yo antswa no kombisa vuswikoti.

Hi ku tirhisa Iqraam Rayners loyi a nga nghenisa goli yin’we ntsena.

Eka minete ya vu 36 endzhaku ka mpfuneto wo suka eka Lucas Ribeiro Costa.

Rayners u vile na tigoli tin’wana timbirhi leti nga pfumeleriwangiki hikuva a ku ri handball kasi leyi yin’wana a ku ri offside.

Leswi kombiseke matirhelo ya yena ya matimba swinene, hambi leswi a ku ri na ntshikilelo lowukulu ku suka eka xipano xa Ulsan eka hafu ya vumbirhi.

Sundowns yi kondzelerile yi kondza yi hlula, i xipano xo sungula xa Afrika ku hlula ntlangu eka mphikizano lowu.

Ku hlula loku ku veka Sundowns ehenhla ka Group F, emahlweni ka xipano xa Borussia Dortmund na Fluminense lava nga tlanga hi 0-0 eku sunguleni ka siku.

Sundowns yi ta landzela yiya ntlanga na xipano xa Borussia Dortmund eCincinnati.

Ntlangu lowu wu hlwerile hi awara hikokwalaho ka maxelo, naswona ntshungu a wu ringanerile kambe wu ri na ku navela.

Laha varhandzi va Sundowns na Ulsan va tumbuluxeke moya wa matimba.

Mukaputeni wa Sundowns Themba Zwane, u sungurile ntlangu wa yena wo sungula ku sukela hi Ndzhati.

Naswona murindzi wa xipano Ronwen Williams u ponise xipano hi vuswikoti bya yena.

Ku hlula loku ku fungha xiendlakalo xa matimu eka Sundowns, hikuva i ku hlula ka yona ko sungula eka khapu ya misava ya ticlub ta FIFA.

Xipano sweswi xi kongomisa ku ya emahlweni ku suka eka xiteji xa ntlawa hi ku phikizana swinene.

• Hlaya nakambe:Muzaberi wa Sundowns a tiyisisa ku huma ka Lucas Suarez

Ni vaphikizani va xona lava saleke va Ntlawa wa F, ku katsa na Borussia Dortmund na Fluminense.

• Landzela pheji eka Facebook: https://www.facebook.com/profile.php?id=61576814159247

Source: IDiski Times