Mbekezeli Mbokazi a vonakala hi ku hlawuriwa eka sagwadi ra CAF
Mbekezeli Mbokazi a vonakala hi ku hlawuriwa eka sagwadi ra CAF
Musirheleri wa xipano xa Orlando Pirates Mbekezeli “TLB” Mbokazi u endla magandlati endzhaku ko hlawuriwa eka Sagwadi ra Mutlangi Lontsongo wa Lembe wa CAF.
Mutlangi loyi wa malembe ya 20 hi vukhale wo huma eHluhluwe, KwaZulu-Natal, u tiphinile hi nguva yo hlawuleka.
A va munhu wa nkoka eka vusirheleri bya Pirates na ku pfuna xipano ku fika eka semi-final ya CAF Champions League na final ya Khapu ya Nedbank.
Mitlangu ya yena yi n’wi endle a vitaniwa ro sungula eka Bafana Bafana.
Laha a nga va munhu wa nkarhi na nkarhi eka mitlangu yo ringanela Khapu ya Misava ya 2026.
Muzaberi wa Pirates Abdeslam Ouaddou u bumabumerile ku tinyiketela ka Mbokazi.
A n’wi tsundzuxa ku tshama a titsongahata no ya emahlweni a tirha hi matimba.
“Ku hlawuriwa loku i nyiko yo hlamarisa,” ku vula Ouaddou.
“U yimela Orlando Pirates hi ku tinyungubyisa.Bolo ya milenge yi nga ku tlakusa ehenhla kumbe ku ku tsongahata hi ku hatlisa, hikwalaho xixima ntlangu.”
Hlaya nakambe:Miguel Inacio a tshika vukaputeni bya Chiefs -Brandon Petersen a teka ndhawu
Hi nseketelo wa matimba ku suka eka varhandzi na xipano xa rixaka.
Vumundzuku bya Mbokazi eka bolo ya milenge byi languteka byi vangama swinene.
Source:http://Farpost
