Miguel Cardoso a sola rivala ra mintlangu ra Lucas Moripe

Miguel Cardoso a sola rivala ra mintlangu ra Lucas Moripe

Muzaberi-nkulu wa xipano xa Mamelodi Sundowns Miguel Cardoso u soholote swiyimo swa rivala ra mintlangu ra Lucas “Masterpieces” Moripe.

Hambi leswi xipano xa yena xi hluleke Richards Bay FC matimba hi 4-1 eka ntlangu wa Betway Premiership hi Mugqivela.

Cardoso u hlamusele rivala leri tani hi leri “tika swinene” ku tlanga eka rona, a vula leswaku ri tisa ntlhontlho eka xipano lexi kongomisaka ku tlanga bolo ya kahle.

Sundowns yi hlamule hi ndlela yo hlamarisa endzhaku ka ku hluriwa ka yona hi Golden Arrows hi 1-0 sweswinyana.

Yi tlakukela ehenhla eka tafula ra ligi, yi hundzq Sekhukhune United hi phoyinti yin’we.

Hambi leswi a tsakeke hi ku hlula loku, Cardoso u kombise ku vilela hi ndhawu yo tlangela eka yona.

A xiya leswaku xipano xi fanele ku hlula ku kanakana loku vangiweke hi rivala ro tika.

Xipano lexi xa le Tshwane xi tirhisa Lucas Moripe Stadium eka mintlangu ya xona ya le kaya eka nguva leyi.

Kambe xi nga ha tirhisa na Loftus Versfeld Stadium, lexi va xi avelana na xipano xa rugby, The Blue Bulls.

Endzhaku ka ku hluriwa kambirhi ka sweswinyana—ku katsa na yin’we eka semi-final ya MTN8.

Cardoso u kombele varhandzi va Sundowns ku ya emahlweni va seketela.

A kandziyisa leswaku xipano xa ha hlanganisa vatlangi lavantshwa na ku kula hi matimba.

Hlaya nakambe:Ronnie Gabriel a tinyungubyisa hi xipano xa yena xa Richards Bay FC

U kandziyisile leswaku vun’we na ku hiseka i xilotlelo xo hlayisa ku humelela ka xipano ku ya emahlweni.

Source:http://Farpost