Orlando Pirates yi tivisa ximfumo ku sayiniwa ka Oswin Appollis
Orlando Pirates yi tivisa ximfumo ku sayiniwa ka Oswin Appollis.
Xipano xa Orlando Pirates xi tivisa ximfumo ku xaviwa ka mutlangi wa xipano xa Bafana Bafana.
Oswin Appollis ku suka eka xipano xa Polokwane City loyi anga na malembe ya 23 hi vukhale.
I wa vuntsevu eka xipano lexi emahlweni ka nguva ya 2025/26, u joyina hi mali leyi nga paluxiwangiki.
Appollis a a laviwa swinene, hi mphikizano lowukulu kusuka eka vaphikizani exikarhi ka Kaizer Chiefs na Mamelodi Sundowns.
Kambe Pirates yi tiyisisile ku sayina yena ku tiyisisa vuenti bya xipano xa yona ehansi ka muzaberi lontshwa Abdeslam Ouaddou.
Appollis u tlangile 25 wa mitlangu eka nguva leyi nga hundza eka Polokwane City, a nghenisa magoza mambirhi na ku nyika mpfuneto.
U tlangile 59 wa mitlangu eka xipano xa le Polokwane.
A nghenisa 9 wa magoza na ku pfuneta ka 6, a kombisa rivilo ra yena na vutshila byo hlasela.
Ku fika ka yena swi voniwa tani hi ku hlohlotela lokukulu eka Pirates.
Tani hi leswi yi kongomisaka ku tlhontlha xidlodlo xa Betway Premiership.
Ku phikizana eka CAF Champions League, na tikhapu tin’wana ta laha kaya.
Ku sayiniwa loku ku nga ha tlhela ku kombisa ku famba loku nga ha vaka kona exikarhi ka vatlangi va sweswi va Pirates.
Tani hi leswi xipano xi languteleke ku pfuxeta tindlela ta xona to hlasela.
Hi ku angarhela, ku sayiniwa loku ku kombisa xikongomelo lexikulu xa Orlando Pirates xo lwela ku xiximiwa lokukulu eka nguva leyi taka.
- Landzela pheji eka Facebook: https://www.facebook.com/profile.php?id=61576814159247
Source: IDiski Times
