Orlando Pirates yiya eka mphikizano wa Soweto Derby

Xipano xa Orlando Pirates xi hlule hi 2-1, loko xi hlangana na xipano xa Golden Arrows.

Eka ntlangu wa Betway Premeirship lowu tlangiweke eXitediyamu xa Moses Mabhida hi Ravumbirhi.

Ku hlula loku swi vula leswaku Buccaneers yi tseme xivandla eka varhangeri va ligi Mamelodi Sundowns.

Ku ya eka nhungu wa tinhla laha ma-Brazil ya ha tsakelaka ku hlayisa xidlodlo.

Swipano swi ringanisiwile hi ku ringana eka hafu yo sungula, laha Arrows yi nga kuma nkarhi wo teka xiyimo xo rhangela.

Kambe Siyanda Mthanti u endle matshalatshala ya yena laha a ponisiweke hi Melusi Buthelezi.

MaBuccaneers ya kombisile leswaku hikokwalaho ka yini va tshamile eka xiyimo xa vumbirhi.

Naswona va nga tshiki ku lwa eka ligi naswona va kume muwini hi minete ya vu 72 loko Tshegofatso Mabasa a nghenisa goli.

Ku hlula loku, swi vula leswaku Pirates yiya nghena eka mphikizano wa makumu wa Khapu ya Soweto Derby.

Hikuva yi hlule Kaizer Chiefs hi nhlayo leyi fanaka ni leyi, mahelo ya vhiki lama hundzeke.

Ku hluriwa loku, hi hala tlhelo, ku siya Golden Arrows yi ri na tinhla tinharhu ntsena ehenhla ka xiyimo xa relegation playoff laha tsevu wa mintlangu ya pfhumba ra vona ra ligi ya ha saleke.

Source: SABC Sports