Richards Bay yi hlula TS Galaxy

Richards Bay FC yi hlule TS Galaxy hi goli yinwe eka ntlangu wa Betway Premiership eAtteridgeville hi Sonto nimadyambu.

Lindokuhle Zikhali wa malembe ya 20 hi vukhale u nghenise goli yin’we ntsena eku sunguleni ka hafu ya vumbirhi.

Swipano leswi haswimbirhi swi vile na minkarhi yo hlaya yo nghenisa swikoweto eka hafu yo sungula kambe swi tlange hi minkarhi ya swona.

Eku sunguleni, TS Galaxy a yi languteka yi titshemba ku tlula vaendzi.

Zikhali, loyi a nyikiweke tiyellow cards ta tsevu ku fikela sweswi eka nguva leyi, u nyikiwile rin’wana emahlweninyana ka ku hela ka hafu yo sungula.

Eka hafu ya vumbirhi, xipano xa le KwaZulu-Natal xi vonake xi tlanga hi ku titshemba swinene.

Endzhaku ka timinete ta ntlhanu ntsena ntlangu wu tlhele wu sungula, Zikhali u nghenise goli ya kahle ku veka xipano xa yena emahlweni.

Richards Bay yi hlule eka mphikizano wa 1-nil, leswi tsakiseke swinene xipano xa vona xa vuzaberi.

TS Galaxy sweswi yi le ka xiyimo xa vuntlhanu hi 34 wa tinhla eka 27 wa mintlangu leyi tlangiweke.

Richards Bay yi le ka xiyimo xa vu-11, yi na 29 wa tinhla ku suka eka 26 wa mintlangu.

Source: SABC Sports