Rulani Mokwena u lava ku vuyela eka xipano xa Orlando Pirates
Khale ka muzaberi wa xipano xa Mamelodi Sundowns na Wydad Athletic Club, Rulani Mokwena.
U kombisile leswaku anga ha vuyela tani hi muzaberi-nkulu eka xipano xa Orlando Pirates, loko xipano xa ha n’wi tsakela.
Mokwena wa malembe ya makume-nharhu-nhungu (38), sweswi u ntshuxekile endzhaku ko hambana na xipano xa Wydad.
Laha a nga antswisa xipano ku suka eka xiyimo xa vutsevu ku ya eka xa vunharhu eka ligi ya Botola Pro.
U na matimu na xipano xa Orlando Pirates, u tirhile tani hi mupfuneti wa muzaberi.
Ku sukela hi 2017 ku ya fika 2019 na nkarhinyana tani hi mutlhogomeri wa muzaberi hi 2019.
U boxe leswaku uta ehleketa ku tlhelela eka Pirates hikuva i “i club leyikulu” leyingana vanhu lava nga kusuhi na yena.
Ngopfu ngopfu Dr. Irvin Khoza, loyi a n’wi tekelaka enhlokweni swinene hi vurhangeri na nkucetelo wa yena.
Mokwena u tlhele a boxa ku dyondza eka varhangeri van’wana va bolo ya milenge.
Lava tivekaka ku fana na Dr. Patrice Motsepe na president wa Wydad Hicham Ait Menna.
Loko Mokwena eku sunguleni a nga swi tivi hi mahungu lawa ya n’wi hlanganisaka na ntirho wa Pirates loko a vuya eAfrika-Dzonga.
U tiyisisile ku tiyimisela ka yena ku teka xiave lexi loko a nyikiwa.
Ntirho wa yena wa vuzaberi wu katsa ku humelela loku xiyekaka na Mamelodi Sundowns.
Ku katsa na swidlodlo swa Premier Soccer League leswi landzelelanaka na xidlodlo xa African Football League.
- Landzela pheji eka Facebook: https://www.facebook.com/profile.php?id=61576814159247
Source: IDiski Times
