“Valandzeri va Chiefs ava herisi ku holova na Broos”

“Valandzeri va Chiefs ava herisi ku holova na Broos”

Muxopaxopi wa bolo ya milenge wa khale Baba Mthethwa u komberile ku rhula exikarhi ka vaseketeri va Kaizer Chiefs.

Na muzaberi wa Bafana Bafana Hugo Broos, a kombela varhandzi ku kongomisa eka xifaniso lexikulu.

Mpfilumpfilu lowu wu sungurile loko Broos a vula leswaku a nge hlawuli vatlangi va Chiefs.

Eka xipano xa rixaka hikuva a va nga tirhi kahle eka xipano xa vona.

Varhandzi van’wana va Chiefs va kombisile ku hlundzuka, va vula leswaku swa antswa va nga seketeli xipano xa rixaka.

Loko a vulavula na Omni Sports, Mthethwa u sola njhekanjhekisano lowu yaka emahlweni, a ku, “A swi hi yisi heli tani hi rixaka.”

U komberile vaseketeri lava nga na timhaka na Broos ku yisa swivilelo swa vona hi ku kongoma eka Nhlangano wa Bolo ya Milenge wa Afrika-Dzonga (SAFA).

Ematshan’wini yo hlasela muzaberi-nkulu eka swihangalasamahungu swa le ka social media.

“Hi na swilo swo antswa swo ehleketa hi swona ku fana na ku ya eka Khapu ya Misava,” a engetela.

Mthethwa u tlhele a kanakana loko Broos a kolota vaseketeri va Chiefs ndzivalelo xana.

“Xana Broos u fanele a endla yini, a ya eka Naturena ku ya kombela ku rivaleriwa?

Ami fanelanga ku hi nghenisa eka thyaka rero,” u vule tano, a kombela vun’we endzhaku ka Bafana Bafana.

Muxopaxopi loyi a nga na ntokoto, loyi a tirhelaka Supersport TV, u tshemba leswaku mpfilumpfilu lowu wu ta hetelela wu herile.

Hlaya nakambe:Broos u kombela kurhula hayi ku sola xipano xa Bafana Bafana

Leswaku bolo ya milenge ya Afrika-Dzonga yi ta kota ku kongomisa eka ku humelela eka xiteji xa misava hinkwayo.

Source:http://Omni Sports