Vaongori va tsandeka ku fika hi nkarhi

Muzaberi wa xipano xa Yunivhesiti ya Western Cape, Thinasonke Mbuli u vula leswaku a nga tsakanga hileswi ntlangu wa vona wa Hollywoodbets Super League wa ha yaka emahlweni.

Hambileswi Mamelodi Sundowns ya vanhwanyani yi hehliwaka leswaku yi tlule milawu hi ku ka yi nga hleli vaongori hi nkarhi eka ntlangu lowu.

Ku vile na ku hlwela ka kwalomu ka 33 wa timinete hi Mugqivela nimadyambu exitediyamu xa Lucas Moripe hikokwalaho ka ku pfumaleka ka vaongori.

Laha khomixinara wa mitlangu a vuleke leswaku i vutihlamuleri bya xipano ku hlela vaongori, naswona va tlhele va vula leswaku nhlangano wa bolo ya milenge ya Afrika – Dzonga wu ta lavisisa.

Mbuli u kombisile ku vilela ka yena loko a vulavula na SABC Sports “Leswi a swi vangiwa hikuva a ku ngari na vaongori, naswona ha switiva leswaku ntlangu a wu nge swikoti ku tlanga handle ka vaongori” .

“A kotangi na ku ti lulamisela ntlangu. Leswi swi humelerile lembe leri nga hundza naswona ntlangu wu vuye wu yimisiwa”, ku vula Mbuli.

Translator :Mapula Glashy Makoto