Xitlangi xa ndhuma xa Banyana Banyana xi vuya hi matimba

Mutlangi wa ndhuma wa Banyana Banyana Linda Motlhalo a vuyela eka xipano xa Glasgow City Fc, naswona u kombisa ku tsaka ku va a vuyile eEurope.

Eku sunguleni ka n’hweti leyi, Racing Louisville, xipano xa Us Women’s National Soccer League xi tivise leswaku ku vile na ntwanano wa ku pfumelelana ku hambana na Motlhalo.

Leswi swi humelerile endzhaku ka loko mutlangi a tlangile ntsena kanharhu eka mimphikizano ya xipano, leswi heteke matimba eka muzaberi wa malembe ya 26 hi vukhale.

Endzhaku ka sweswo u tlhelele eAfrika-Dzonga, tiko ra rikwavo tani hi munhu loyi a nga ntshuxeka, u fike a tilulamisela na mukaputeni wa khale wa Banyana Banyana Janine Van Wyk.

Motlhalo u paluxiwile tani hi mutlangi lontshwa eka Glasgow City, xipano lexi a xi tlangeleke khale eka Scottish Women’s Top-Flight. “Ndzi tsakile ku va ndzi vuyile, ndhawu leyi yi vuyisa switsundzuxo swa khale swa kahle” a vula loko a ri karhi a tlhelela eka xipano lexi.

Translator : Mapula Glashy Makoto