Yanela Mbuthuma a khensa kokwani wa yena

Yanela Mbuthuma a khensa kokwani wa yena

Nyeleti leyi pfukaka ya Orlando Pirates Yanela Mbuthuma u vile a humesela ehandle switwi swa yena.

A kondza a rila swinene loko a a ri karhi a vulavula hi ku lahliwa hi vatswari va yena no tlhela a kurisiwa hi kokwa wa yena eLamontville, Thekwini.

Muhlaseri loyi wa malembe ya 22 hi vukhale, loyi a nga ta va na malembe ya 23 n’hweti leyi taka.

U paluxe eka xiphemu xa le ndzhaku ka swifaniso xa iBucsCamp leswaku vatswari va yena va n’wi siye na kokwani wa yena loko a ha ri n’wana handle ko hlamuseriwa.

“Va ndzi lahlelele eka yena,” ku vula Mbuthuma, a n’wi dzunisa tani hi “manana na tatana” loyi anga nwi kurisa hindlela ya kahle.

A n’wi susumeta ku heta xikolo, na ku nwi hlohlotela eka milorho ya yena ya bolo ya milenge.

Sweswi u hakela ku tinyikela ka yena hi ntirho wa yena—laha a nga nghenisa magoza mambirhi eka mintlangu ya ntsevu ya Betway Premiership.

Hlaya nakambe:“A hi nge swikoti ku ya ehansi hi tinhla”: Thalente Mbatha

Eka nguva leyi—Mbuthuma u hlambanya leswaku u lava ku n’wi endla a tinyungubyisa.

Source:http://Farpost