Amakhosi yi tiyimiserile ku hlula Gallants vusiku bya namuntlha

Amakhosi yi tiyimiserile ku hlula Gallants vusiku bya namuntlha

Kaizer Chiefs yi lava ku hlayisa fomo ya yona ya kahle yi ya emahlweni.

Vata tlanga na Marumo Gallants eka Betway Premiership vusiku bya namuntlha.

Amakhosi yi hlule Golden Arrows hi 1-0 na ZESCO United hi 1-0 endzhaku ko wisa ka Khapu ya Matiko ya Afrika.

A va nga hlulanga eka mintlangu ya nhungu ya ligi ku sukela hi Ndzhati.

Va tlangile hi ku ringana hi 1-1 na Gallants eka nhlengeletano ya vona yo sungula.

Ku hlula swi nga yisa Chiefs ehenhla ka xipano xa Orlando Pirates eka xiyimo xa vumbirhi.

Va tava va sale endzhaku hi tinhla timbirhi ntsena eka varhangeri ku nga xipano xa Mamelodi Sundowns.

Gallants yi tshama eka xiyimo xa vu-12 hi 15 wa tinhla eka 15 wa mintlangu.

Va hluriwile hi 2-0 hi TS Galaxy vhiki leri nga hundza.

Muzaberi Khalil Ben Youssef u vule leswaku xipano xi langutane na n’hweti yo phesa-phesahi 11 wa mintlangu eka masiku ya 48.

“Hi na xipano lexikulu xa ku cinca-cinca na ku wisa,” u byele SuperSport.

Mutlangi Mfundo Vilakazi, loyi a nga nghenisa swikoweto eka ntlangu wo hetelela loko va hlangana na Gallants, u engeterile:

“Hi fanele ku tolovela swiyimo swo tika. Loko hi tlanga bolo ya hina ya milenge, mbuyelo wu ta ta.”

Mutlangi wa xipano xa Gallants Edgar Manaka u bumabumerile muzaberi lontshwa Alexandre Lafitte.

“Hi twisisa xitayili xa yena sweswi. Hi ta endla kahle eka hafu ya vumbirhi ya nguva,” ku vula yena.