Broos u kombela kurhula hayi ku sola xipano xa Bafana Bafana

Broos u kombela kurhula hayi ku sola xipano xa Bafana Bafana

Muzaberi wa xipano xa bolo ya milenge xa tiko ra Afrika-Dzonga, Hugo Broos.

U komberile varhandzi na vatlangi ku tshama va ri na vun’we na ku titshemba emahlweni ka ku ringanela.

Ka nkoka wa Khapu ya Misava ya Ravumbirhi loko va hlangana na Rwanda erivaleni ra mintlangu ra le Mbombela.

Endzhaku ka ntlangu lowu khomisaka tingana laha va tlangeke hi ku ringana na Zimbabwe hi 0-0 hi Ravuntlhanu.

Broos u pfumerile leswaku mbuyelo lowu wu va tlherisele endzhaku kambe u kandziyise nkoka wa ku pfumela eka khwalithi na ku kongomisa ka xipano.

U te, “Lowu a hi wona nkarhi wo sungula ku kanakana kumbe khwalithi leyi hi yi akeke eka malembe ma nga ri mangani lama hundzeke.”

Muzaberi loyi u tlhele a kombela nseketelo eka vaseketeri naswona u tsundzuxile ku lwisana na swilo swo biha leswi nga vavisaka moya wa xipano.

Leswaku va ya emahlweni, Bafana Bafana yi fanele yi hlula Rwanda—swi nga antswa hi magoza mambirhi kumbe ku tlula.

Naswona yi titshege hi Nigeria leswaku yi yimisa varhangeri va ntlawa wa C, Benin ku hlula ntlangu wa vona.

Muzaberi u vule leswaku vatlangi va yena va lunghekile no hlohloteriwa.

Kambe va pfumerile leswaku va tlhela va lava nkateko wo karhi eka tlhelo ra vona:

“A hi tshembeni leswaku swikwembu swa bolo ya milenge swi na hina — naswona Benin yi hluriwa.”

Ntlangu lowu wu ta sungula hi awara ya ntsevu nimadyambu hi Ravumbirhi erivaleni ra mintlangu ra Mbombela.