Tshepang Moremi a khensa Patrick Maswanganyi eka riendzo ra yena
Tshepang Moremi a khensa Patrick Maswanganyi eka riendzo ra yena
Mutlangi wa xipano xa Orlando Pirates Tshepang Moremi u vulavule hi ku hlula masungulo yo tika eka xipano xa tinhenha ta le Soweto.
A paluxa hilaha mutirhi-kulobye Patrick “Tito” Maswanganyi a nga tlanga xiave xa nkoka hakona hi ku n’wi pfuna ku tshama a tiyile.
Endzhaku ko hundziseriwa eka AmaZulu emahlweni ka nguva ya 2025/26.
Moremi u langutane na ku rhuketeriwa na ku soriwa eka mintlangu ya yena yo sungula na Pirates.
Loko a vulavula eka nongonoko wa Pirates TV wa BucsCamp.
Moremi u hlamuserile leswaku Maswanganyi loyi a nga langutana na mintlhontlho yo fana na leyi, u n’wi tsundzuxile leswaku a nga heli matimba hi ku angula ka vaseketeri.
“U ndzi byerile leswaku vaseketeri va ta ndzi tsakela loko ndzi sungula ku nghenisa tigoli no pfuna xipano leswaku xi hlula,” ku vula Moremi.
“U ndzi tsundzuxe leswaku ndzi nga heli matimba kambe ndzi fanele ku landzelela ndlela ya mina.”
Xikhutazo xa Maswanganyi xi tikombe xi ri xa nkoka swinene.
Tani hi leswi Moremi a nga kuma ncincancincano wa yena.
A nghenisa ntlhanu wa magoza na ku pfuneta kan’we eka nguva leyi.
Matirhelo ya yena yo hlawuleka akuri ya kahle eka final ya MTN8 loko va hlangana na Stellenbosch FC.
Leswinga endla leswaku Pirates yi teka xidlodlo xa yona xa vumune eka mphikizano lowu.
Hlaya nakambe:Benedict “Tso” Vilakazi a basisa swidyoho swa Fiacre Ntwari
Ku tiyisela ka Moremi na ku titshemba loku kulaka kusukela kwalano swi n’wi hundzule murhandziwa wa vaseketeri eka Pirates.
Source:http://Pirates TV
