Lehlohonolo Seema a hlongoriwa hi ku hatlisa

SABC Sport yi tiyisisa leswaku Kaitano Tembo na Paulus Masehe va ta teka vutihlamuleri bya Sekhukhune United endzhaku ka xiboho lexi xipano xixi tekeke xo hlongola Lehlohonolo Seema hi ku hatlisa.

Leswi swi ta endzhaku ka ku vulavula hi vumundzuku bya Seema mavhiki yo hlaya lawa ya hundzeke, endzhaku ka loko Eric Tinkler a humelerile tani hi muhlawuriwa wo ku pfala yena eka nkarhi lowu saleke wa nguva.

Seema u hlongoriwile hi siku leri a nga pfumeleriwa ku ya eka nhlengeletano ya vateki va mahungu ya Nedbank Cup emahlweni ka ntlangu wa vona wa kotara yo hetelela loko va hlangana na Mamelodi Sundowns eXitediyamu xa Lucas Moripe hi Mugqivela.

Ku tiyisisiwa ka ku hlongoriwa ka yena ku fike eka muhaxi wa mani na mani endzhaku ka tiawara to hlaya, laha Tembo na Masehe va languteleke ku teka vulawuri.

Tinkler uta tlhela a nyikiwa xiave eka mavhiki lama taka naswona uta pfumeleriwa ku lulamisela xipano eka nguva leyi taka xikan’we na ku kongomisa Sekhukhune eka ku hetisa ligi exikarhi ka sweswi na May.

Translator : Mapula Glashy Makoto