Mhaka ya FIFA yi tsona Miguel Cardoso vurhongo

SABC Sports yi vika leswaku Muzaberi wa Mamelodi Sundowns Miguel Cardoso u vula leswaku kuta ka matiko ya misava ka FIFA ku nga va khombo leri nga vaka kona loko vatlangi vanga lawuriwi kahle.

Va Brazil va ta humesa 10 kumbe ku tlula ka switlangi swa ndhuma ku ya eka swipano swa rixaka eku heleni ka n’hweti leyi, lava ringaneleke ku ya eka khapu ya misava leswi vilerisaka Cardoso.

Mutsundzuxi wa le Portugal u swi veke erivaleni leswaku xiyimiso xa PSL lexi nga ni vanhu vo tala xi teke xiyimo xa le henhla eka xipano xa yena. Cardoso u kombela mimburisano yo antswa eka nkarhi lowu.

“Leswi hi vatshembisaka xiswona hinkwavo, a va ringani hinkwavo naswona swi le rivaleni leswaku hi na vatlangi lava yaka eka swipano swa rixaka naswona va fanele ku tlanga eka swipano swa rixaka hikuva na vona va lava ku va kona,” Cardoso u vurile.

“Kutani, hi fanele ku va ni mimburisano ya kahle, hi fanele ku va tshika va wisa swinene hilaha swi nga kotekaka hakona. Ndzi vurile nkarhi lowu nga hundza na sweswi ndza ha vula swona ndzi swi phindha-phindha, ku tilulamisela katsongo iku tilulamisela swinene.”

Translator : Mapula Glashy Makoto