Mabalane a bumabumela Mofokeng na Nkota
Nghwazi ya xipano xa Orlando Pirates, Dikgang Mabalane u bumabumela Mofokeng na Nkota eka nkucetelo wa ku cinca.
Relebohile Mofokeng na Mohau Nkota va hoxe xandla hi ku kongoma eka 12 wa tigoli eka mphikizano wa Champions League eka nguva leyi.
Nkota, loyi a humaka eka Kimberley, u nghenise tigoli tinharhu naswona u pfunete kambirhi eka mintlangu ya tsevu eka Champions League.
Mofokeng, muzaberi wa matiko ya misava wa Bafana Bafana, u le ku hlayeni ka mune wa tigoli na ku pfuneta kanharhu eka 12 wa mitlangu.
Mabalane u vula leswaku vafana lava lavatsongo hi vona va tisaka ku ncinca ka mintlangu.
“Ndza swi tsakela ku vona vantshwa va nyikiwa nkarhi naswona entiyisweni vazaberi va na xivindzi xo tlangisa vantshwa lava”, ku vula Mabalane.
“Lava i vantshwa naswona vahari na matimba hinkwawo, va ha tlanga naswona va ha tinyiketela”.
“Kutani, ndzi tsakisiwile hi vantshwa volavo havambirhi, va nghenisa tigoli, kutani va endla nkucetelo, a va engeteli tinomboro ntsena. Ndzi lava leswaku va tlanga ntlangu wun’wana na wun’wana.”
Xirho xa xipano xa Orlando Pirates, lexi nga hlula kambirhi.
Mabalane wa ha vona khale ka xipano xa yena xa khale xi kota ku tlhontlha Mamelodi Sundowns hi matimba eka xidlodlo xa Betway Premiership.
Source -SABC Sports
