Mayo u kombela leswaku Chiefs yi hlula eka Nedbank Cup

Khale ka muzaberi wa Kaizer Chiefs Patrick Mayo, u komberile xipano xa Kaizer Chiefs ku endla hinkwaswo leswi va nga swi kotaka.

Ku hlula eka final leyi taka ya Nedbank Cup loko va hlangana na Orlando Pirates.

Mayo u vula leswaku i swa nkoka leswaku xipano xi hlula eka mphikizano lowu.

“I swa nkoka swinene eka Chiefs ku hlula xidlodlo endzhaku ka 10 wa malembe, handle ka sweswo hi ta hetelela hi va xihlekiso eka bolo ya milenge ya laha tikweni”.

“Loko hoka hi nga hluli eka khapu ya Nedbank hiti 10 ta Mudyaxihi swi ta khomisa tingana”.

“Hi tlhelo ra muzaberi Nabi, ku wina xidlodlo swi ta n’wi xavela nkarhi wo tala no tsakisa vaseketeri. Kutani, i swa nkoka swinene eka yena ku swi hlula ku hunguta ntshikilelo.

Uyile emahlweni a vula leswaku muzaberi Nasreddine Nabi anga lavi ku cinca nchumu.

Kambe ntsena a tiyisisa swiyimo swokarhi ku engetela vuenti eka xipano xa yena.

Leswi ku nga sala mintlangu ya ntlhanu eka Betway Premiership.

Chiefs yi heleriwe hi ntshembo wo endla lava nga ehenhla ka tsevu endzhaku ko lahlekeriwa eka nguva leyi hundzeke.

Hlaya nakambe: Mahungu yo khomisa gome

Source -SABC Sport