Muzaberi wa Amakhosi u vula leswaku xipano xi fanele ku pfuxetiwa hi vuntshwa
SABC Sports yi vika leswaku muzaberi wa xipano xa Kaizer Chiefs, Nasreddine Nabi u vula leswaku xipano lexikulu xo fana na Amakhosi xi lava nkarhi wo tala leswaku xi pfuxetiwa hi vuntshwa.
Nabi u vulavule leswi endzhaku ka loko xipano xa yena xi hluriwile eka 22 wa mintlangu ya Betway Premiership eka nguva leyi.
Xipano xi tlangile na Richard Bay FC laha xinga hluriwa hi 2-0 exitediyamu xa King Zwelithini eUmlazi, leswi endleke leswaku xi ya ehansi.
Nabi na xipano xa yena xa vuthekiniki va fikile eka Chiefs va ri na ntshembo wa leswaku va ta sungula kahle eka nguva leyi.
Kambe mbuyelo wa xipano a wu vangi kahle leswi nga tisa mintlhonthlo leyikulu, mutsunduxi wa le Tunisia u vule leswaku swa antswa hikuva va xitiva lexi va xilavaka.
“I ntiyiso leswaku hi le ku akeni ka xipano hi vuntshwa, naswona xipano lexikulu xofana na Kaizer Chiefs xi lava nkarhi wotala”, ku vula Nabi
Translator : Mapula Glashy Makoto
