Muzaberi wa Pirates u dzunisa nyeleti leyitsongo

Muzaberi wa Pirates u dzunisa nyeleti leyitsongo

Muzaberi wa Orlando Pirates Abdeslam Ouaddou u a bumabumela hi lokukulu eka mutlangi wa malembe ya 21 hi vukhale Relebohile Mofokeng.

U vula leswaku Mofokeng hi yena mutlangi loyi a n’wi tsakisaka ngopfu ku sukela loko a teke xipano lexi.

Ouaddou u sive Jose Riveiro eka nguva leyi, Riveiro u sukile a ya eAl Ahly aEgipta.

Ouaddou u huma eka marumo gallants naswona u hlule tikhapu timbirhi: MTN8 na Carling knockout.

Sweswi Orlando Pirates yi lwisana na Mamelodi Sundowns eka xidlodlo xa Betway Premiership.

“A ndzi vulavuli ngopfu hi mutlangi un’we hikuva bolo ya milenge i ntlangu wa xipano,” ku vula Ouaddou eka kampa ya Bucs.

“Kambe Mofokeng hi yena a humelelaka ngopfu. A nga hlula vasirheleri, a vona ntlangu ka ha ri na nkarhi, a endla swiboho swo hatlisa hi bolo.

“A nga lehenga kumbe tiya ngopfu, kambe a nga hlundzukisa xipano xin’wana na xin’wana emisaveni.”

Mofokeng a nga na magoza ku fikela sweswi eka nguva leyi, kambe u kote ku pfuneta kambirhi eka mintlangu ya nkaye ya ligi.

Orlando Pirates yi tlanga na Sekhukhune United hi Mugqivela ePeter Mokaba Stadium.

Va lava ku tlherisela ndhawu ya le henhla eka Sundowns.