Orlando Pirates yi tilulamisela ntlangu wa yona na Stellenbosch FC

Orlando Pirates yi tilulamisela ntlangu wa yona na Stellenbosch FC

Orlando Pirates yi lunghekele kahle eka final ya MTN8 loko yi ta hlangana na Stellenbosch FC.

Hambi leswi yi nga na vatlangi va nkombo lava nga entirhweni wa matiko ya misava sweswinyana.

Muzaberi-nkulu Abdeslam Ouaddou u kandziyisile leswaku mintlangu ya matiko ya misava a yi kavanyeti ku tilulamisela ka vona.

Tani hileswi ku hlayisa vuxaka na vatlangi hi nkarhi wa ntirho wa tiko swi nga xiyimo xa le henhla eka xipano lexikulu xo fana na Pirates.

Xipano lexi xi ta langutana na Stellies eka ku phindha ntlangu wa makumu.

Wa lembe leri nga hundza hi Mugqivela hi awara ya ntsevu nimadyambu erivaleni ra mintlangu ra Mbombela.

Ouaddou, loyi a nga joyina Pirates hi Khotavuxika endzhaku ko zabela xipano xa Marumo Gallants.

U kombisile ku tinyungubyisa hi ku fikelela tifinal ta yena to sungula ta laha Afrika-Dzonga.

Naswona u amukerile nseketelo wa vatirhi va le swibedlhele endzhaku ka mhangu ya movha.

Ya sweswinyana leyi nga katsa yena na swirho swin’wana swa xipano.

U tlhele a avelana mahungu lamanene hi ku kumeka ka vatlangi, mukaputeni Nkosinathi Sibisi u horile eka ku vaviseka.

Naswona mutlangi wa le xikarhi Makhehleni Makhaula u vuyile eka ku titoloveta kambe u ta fanela ku tlanga hi vukheta.

Mukaputeni lontsongo Mbekezeli Mbokazi na yena u tsakisile hi vurhangeri bya yena na matirhelo ya yena eka xiyimo xa xipano na xa rixaka.