Themba Zwane u le kusuhi no vuyela eku tlangeni

Mukaputeni wa Mamelodi Sundowns Themba Zwane u le kusuhi no tlhelela eku tlangeni, Zwane wa malembe ya makume- nharhu – ntlhanu hi vukhale.

U humile erivaleni ra mintlangu hi Khotavuxika endzhaku ko vaviseka hi nkarhi wa Africa Cup of Nations laha Bafana Bafana a yi tlanga na Congo eBrazzaville.

Zwane, loyi a sunguleke ku tilulamisela ku vuyela eku tlangeni u vule leswaku u ta tirha hi matimba no tlhela a kuma xiyimo xa yena xa vu ‘midfielder’ nakambe eka xipano xa Mamelodi Sundowns lexi nga na switlangi swa ndhuma swofana na va Marcelo Allende, Lucas Ribelro, Jayden Adams na Teboho Mokoena.

“Hi na ku langutela leswaku a nga hola swinwe na Mothobi Mvala, Divine Lunga na Khulisa Mudau, u ta hatla a vuya “ku vula Cardoso

Mapula Glashy Makoto