Xipano xa Al Ahly xi khomisa Monnapule Saleng hi tingana

I ntiyiso leswaku xipano lexi a xi lava ku sayina Monnapule Saleng naswona i xipano lexikulu xa Al Ahly xa le Egypt. Al Ahly yi hlangane na vufambisi bya xipano xa Orlando Pirates ku burisana hi mhaka ya Monnapule Saleng.

Orlando Pirates yi pfumerini yi tlhele yiya tiyisisa leswaku maphepha ya Saleng ya tshamisekile, mutlangi ni xipano ava tsakile swinene hi ntwanano lowu, hikuva xipano naxona a xiya vuyeriwa hi mali yotala.

Kuve niku kanganyiseka exikarhi ka ntwanano lowu hikuva xipano xa Al Ahly a xi lava Saleng a ta pfala Percy Tau, xipano xi hlwele ku xavisa Percy Tau xi hetelela hiku ya nwi xavisa endzhaku ka nkarhi wo leha nyana.

Xipano xa Orlando Pirates xi hlangane na Saleng ku ya nwi tivisa hi khombo leri humeleleke, Saleng u vuye a khoma hi gome ni tingana letikulu a tsandeka no fika eku tilulamiseleni ka mitlangu leyi ya ha taku, kambe va ringetile ku vulavula nayena leswaku a yisa moya hansi hikuva Orlando Pirates ya nwi rhandza swinene.

Mapula Glashy Makoto