Thembinkosi a avelana ntokoto wa yena wa le Morocco

Thembinkosi a avelana ntokoto wa yena wa le Morocco

Thembinkosi Lorch, mutlangi wa le xikarhi wa malembe ya 31 hi vukhale.

Loyi sweswi a lombiweke eka Wydad Athletic Club ku suka eka xipano xa Mamelodi Sundowns.

U avelane ntokoto wa yena wo tolovela ndhawu leyintshwa eMorocco.

Loku hambaneke na laha Afrika Dzonga, laha anga tiveka swinene naku tlangeriwa.

Lorch u paluxile leswaku ku fika eCasablanca swifana na ku sungula ehansi hansi hikuva “akuna munhu loyi ndzi nwi tivaka.”

U te, “Ndzi ehleketa leswaku a swi olovi ku huma eAfrika-Dzonga u ya eMorocco, laha eAfrika-Dzonga hinkwavo va ndzi tivaka”.

“Loko ndzi ta laha, a ku nga ri na munhu loyi a ndzi tivaka, kutani ndzi boheke ku tolovela”.

“Ndzi ehleketa leswaku vanghana va mina va xipano na vazaberi va mina”.

“Va ndzi amukerile kahle swinene eka xipano hambi ku ri vaseketeri, ndzi toloverile sweswi.”

Lorch u khensa ngopfu ku cinca ka yena hi ndlela yo olova eka vukona bya muzaberi Rulani Mokwena,

Loyi khale a nga n’wi zabela eka xipano xaOrlando Pirates ivi endzhaku a n’wi zabela eka Sundowns.

Vutsundzuxi bya Mokwena byi nyikile ndlela yo tiya ya nseketelo, leswi pfuneke Lorch ku tshamiseka endzeni na le handle ka rivala.

Hambi leswi Mokwena kusukela kwalano anga suka e Wydad, nkucetelo wa yena wutshama wuri wa nkoka eka ku cinca lokunene ka Lorch.

Lorch u tlhele a pimanisa switayele swo tlanga swa xipano xa yena xa mutswari, Mamelodi Sundowns na Wydad.

U xiyile leswaku hambi leswi swipano leswimbirhi swi nga na miehleketo yo hlula na vatlangi lavanene, switayele swa swona swa hambana

Sundowns yi tsakela xitayili xa Tiki Taka, swi kongomisa eka ku khoma na ku pasa loku rharhanganeke.

Wydad yi tlanga xitayili lexi fanaka kambe xiri ni vukarhi lebyikulu.

Sweswi u le USA na Wydad loko va ri karhi va tilulamisela ku langutana na Manchester City eka ntlangu wa vona wo pfula wa Group G wa Khapu ya Misava ya Club.

Va ta tlhela va tlanga na Juventus na Al Ain eka mphikizano lowu.

Hi nkarhi lowu fanaka, xipano xa yena xa mutswari Sundowns xi phikizana eka Group F na Ulsan Hyundai, Fluminense, na Borussia Dortmund.

• Hlaya nakambe:Dove a huma eka xipano xa Kaizer Chiefs

Xikweleti xa yena xo lombiwa xi hela hi ti 30 ta Khotavuxika 2025, naswona a swi se va erivaleni loko nkarhi wa yena wu ta engeteriwa.

• Landzela pheji eka Facebook: https://www.facebook.com/profile.php?id=61576814159247

Source: SABC Sports